林夏薇繼創立飲食王國後，近日孖老公莫贊生踩入潮界，引入多用途潮流藝術精品，並在尖沙咀K11 Musea舉行藝術展覽。她笑言受老公影響而愛上潮流模型：「佢本身好鍾意，所以我哋會一齊儲；之前都有講過，如果有新生意會以自己有興趣嘅項目為主，因而促成今次展覽。」
早前她與老公突襲展覽現場，更即場化身導覽員，介紹剛從西班牙空運抵港的潮流藝術精品Juanín。向來對投資甚有心得的她，透露活動準備已久：「之前一直籌備緊新嘅投資項目，呢個係其中一樣，就係為期一個月嘅藝術展。今次係同先生以及另一位拍檔合作，我哋為潮流藝術品加入加密防偽技術，令產品更為保值和珍貴。」
