梁祖堯與MIRROR完成在梅窩拍攝的《調教你MIRROR》,更指他們12人在拍攝過程中哭成淚人,當中以陳卓賢(Ian)哭得最犀利。隊長Lokman表示梁祖堯是一位好好的導師,經他調教過後,大家都流了很多眼淚。問到Ian為何會爆喊,他說︰「因為呢排大家都好少靜落嚟,整理完情緒,感觸起嚟就釋放咗啲情緒同壓力出來。」
提到MIRROR在梅窩拍攝與fans發生一場小風波,Lokman與江𤒹生(Anson Kong)都異口同聲表示與fans已經和解,「覺得大家關係好咗,同佢哋溝通完,大家講清楚,關係會親密啲,佢哋接收到、了解到、明白到,咁大家尊重會再高啲。」Lokman又指今次活動有不少歌迷站在馬路邊非常危險,所以他們的擔心不無道理,一直很著重歌迷的安全。