江嘉敏發牢騷 馮盈盈懶理

馮盈盈昨日出席《2020香港小姐競選》活動，呼籲佳麗報名參加。有傳她與江嘉敏因為何猷亨的船河派對而擘面，日前江嘉敏在社交平台發文稱「知人口面不知心」，暗示有人講大話。盈盈說：「冇留意！最近半個月甚至噚日我生日，都冇特別用社交平台做任何更新或者發文，新一年想沉澱自己，所以網上發生咩事，真係唔太清楚，仲有大家係朋友，唔需要事事去過問，留一啲個人空間同私隱俾對方啦。(與江嘉敏有否為這件事吵架？)絕對冇。」