黃心美、倪嘉雯等，昨日出席運動品牌活動，早前有報道指黃心穎自「安心事件」被停工後，經常與RubberBand鼓手泥鯭(黎萬宏)出雙入對，兩人更會孖黃心美一起歎茶，被問其妹是否正和泥鯭拍拖，她說：「佢兩個人嘅關係無論係情侶或者朋友，唔會由第三者去答，問返當事人好啲。(對泥鯭印象如何？)OK呀，朋友嚟講算唔錯，(泥鯭追黃心穎，你贊成嗎？)唔到我贊唔贊成，佢鍾意就得，唔使問我。」談到妹妹停工多時，有否計劃何時復工，她說︰「工作嘅嘢佢都唔知，藝人好被動，要問返公司，佢要自己調節要面對嘅事，總之屋企人不離不棄。」