苑仔強調新造型是扮老鴇，不是鳳姐。
苑瓊丹(苑仔)在電影《九品芝麻官》裡的「古代老鴇」形象深入民心，近日她為自己的熟飯包生意，再扮「老鴇」宣傳旗下品牌的雞餸。苑仔稱，由於不想隔離21日，推掉內地劇組的邀請留港過年，但呼籲朋友勿找她拜年及逗利是。
以「現代老鴇」造型拍攝廣告的苑仔稱：「呢一身造型大家都問我係唔係拍緊戲，其實我拍緊一條宣傳片，宣傳自家品牌熟飯包，餸煮好嘞，一加熱就食得。」問她老鴇造型構思從何而來，「過年嘛，大家都響屋企食雞，個個都知道廣東話雞其實代表妓女，妓女最佳拍檔就係老鴇，呢個造型其實係一個老鴇，重點宣傳我品牌隻雞。」
奉政府籲唔去拜年
苑仔忙著做生意，觀眾擔心她沒有時間拍戲，苑仔就說：「當然會拍，本來內地有劇開，因為要隔離，有好多事要忙，冇去拍，想去嘅時候又加咗，要14再加7，按照這呢條數，我依家去拍咁過完年都拍唔晒，都係留響香港過年算。」因為錯過北上工作的機會，苑仔說今年派利是要慳一啲：「唔好問我今年會唔會派利是？派幾多？你哋諗都唔好諗！今年唔去拜年，我會聽話，留係屋企，你哋都唔好過嚟拜年。」