谷德昭在首集《爆谷一周》請來吳君如、Edan和導演Coba做嘉賓。(谷德昭IG)
由谷德昭主持的新節目《爆谷一周》昨晚(22日)首播，請來賀歲片《闔家辣》的監製兼主演的吳君如、導演鄭晉軒和主角Edan(呂爵安)擔任嘉賓。谷德昭大爆Edan在新戲中有鴛鴦浴戲份，並且繼《大叔的愛》後再拍咀戲，今次換了對象是女生，Edan談起拍出浴鏡頭並獻銀幕異性初吻時，向來口齒伶俐的他一度尷尬耳仔紅。谷德昭與君如討論MIRROR爆紅現象時，形容MIRROR填補了香港失落己久的驕傲。
谷德昭讚Edan有觀眾緣。(谷德昭IG)
Edan首拍電影，喜獲前輩指教。(谷德昭IG)
Edan獻銀幕異性初吻？
已看了《闔家辣》試片的谷德昭，大爆Edan有場鴛鴦浴戲，趁機問他拍攝有何準備？例如黐膠紙或谷肌等，Edan坦言有舉機燈組器材谷肌，但強調有穿褲拍攝，向來轉數快的他突然變怕醜仔，「有尷尬同緊張，始終第一次，講下耳仔紅添，我係演員，(角色)背景是我倆一齊好耐，呢件事好平常，但因為未試過，好驚……」君如又追問是否銀幕初吻，Edan秒速指這是「異性初吻」，因螢幕初吻早已在拍《大叔的愛》時已獻給Anson Lo(盧瀚霆)，至於他會否在戲中獻出「異性銀幕初吻」？觀眾要拭目以待。而據劇情簡介，文青女神袁澧林飾演Edan的女友，估計是鴛鴦浴或初吻對象。
君如親解「粉絲好食」玄機
谷德昭大談觀後感時，指最爆笑是Edan的一句對白「粉絲好食」，Edan大感驚訝，「冇諗過佢(導演)會剪落去！」當被問到如何度出這句對白時，Edan欲言又止，其後由君如親自解釋：「因為戲裏面有個演員係食齋，我哋成日大魚大肉，我成日『萬歲』，佢(Edan)啲Fans又成日攞嘢食嚟，但嗰位演員偏偏成日叫人買粉絲食，每日見到佢都係食米粉同粉絲，我話『你又食粉絲』，佢話『粉絲好食呀』，跟住佢突然間講『死喇，講漏咗嘴，咁敏感，唔講喇』。」當晚她想了一晚，覺得這句非常好笑，所以決定加入電影中。據知演Edan媽媽的梁詠琪(Gigi)是素食者，未知是否指Gigi。
Edan強調拍鴛鴦浴戲份時，有穿褲子。(截圖)
Edan談起拍出浴戲兼銀幕異性初吻，尷尬得耳仔也紅了。(截圖)
谷德昭讚Edan有觀眾緣：為求笑若渴的香港人添歡樂
其後，谷德昭又與君如討論MIRROR爆紅的現象，君如形容MIRROR很貼地，代表著一群很想入行而又堅持下去的年輕人，她慨嘆：「香港真係斷層好耐，冇偶像，斷得太耐，嗰幾年被韓仔食哂，好唔忿氣！」谷德昭續說，早前做《全民造星IV》評判及看叱咤樂壇頒獎，深感很難得場內逾萬位香港觀眾齊心喜歡並因MIRROR感自豪，「我哋需要有啲嘢驕傲，呢個空虛位，我哋已失落咗好耐，有啲嘢覺得驕傲，呢個位置(MIRROR)填補得啱啱好！」昨晚，他在社交平台作節目檢討時，大讚Edan表現淡定得體，具備成功喜劇演員好重要的必要條件，「九成來自天生，包括：面口、教養、性格、笑容、靈魂……加加埋埋叫做觀眾緣，觀眾見到你就想笑，這可是上天的一份厚待，E先生請好好珍惜這份緣，為求笑若渴的香港人多添些歡樂。」
相關新聞：
呂爵安Edan生日 am730全版廣告祝賀 易拉架出沒注意
闔家辣｜Edan獲君如親授拍喊戲絕招 開通淚腺相擁而哭
闔家辣｜君如提早與Edan慶生 叫壽星仔帶埋Anson Lo一齊拜年
谷德昭爆Edan在戲裡對白「粉絲好食」勁爆笑。(截圖)
Edan驚訝「粉絲好食」對白被加入戲內。(截圖)
君如被Edan拖手冧爆。(君如IG)
立即更新/下載AM730手機APP 體驗升級功能
