馮盈盈、方力申和陳自瑤擔任節目嘉賓。
由林盛斌、麥玲玲主持的《Master's Talk師父有請》，邀請了馮盈盈、方力申和陳自瑤(YOYO)擔任嘉賓。麥玲玲公開列出方力申歷年的緋聞女友，嘉賓之一的YoYo也在名單之中。方力申和YoYo同時舉手發誓稱從沒拍過拖，2006年拍完MV之後幾乎沒見過面，方力申更指當時緋聞傳得太犀利，一度令他失去工作。
Yoyo在《萬千星輝頒獎典禮2020》中的「黑面」表情，至今仍成為熱話。
麥玲玲指藝人要紅的話命格一定要有是非，無論馮盈盈開放型或者方力申的穩守型都一樣，小方笑指YoYo一定會爆紅，事關她在《萬千星輝頒獎典禮2020》中的「黑面」表情被瘋狂洗版，連阿Bob也稱自己用Whatsapp也時常見到YoYo黑面sticker。YoYo傻笑說：「我澄清先，大家唔好笑住，我冇黑面，你拎返張相出嚟睇，我係冇黑面呀，當下個表達係冇乜表情，比較淡然，我冇黑，塊面仲有『令』嘅。表情係淡然冇黑面亦冇不悅，但人哋解讀好多嘢，（全世界都係咁解讀，人讚你多謝你應該微笑？）有呀有呀，我真係有微笑呀！鏡頭影咗我兩、三秒，做唔晒咁多表情，可能我有微笑咗少少，鏡頭影唔到啫。」YoYo笑言因今次話題而得到工作邀約，正在洽談之中，小方笑指一定是面膜廣告。
Yoyo否認黑面。