百厭仔姜濤伸脷舔 Stanley 耳仔: feel 到有口水嗰隻

姜濤向來性格貪玩好動，試過偷拍毛舜筠瞓覺，又放花姐黑圖，早前在音樂會後台更用臭腳攻擊隊友Edan。

MIRROR邱士縉（Stanley)昨晚於社交網上載了多張連環圖，並分享了姜濤又一百厭事，Stanley 寫道：「本身見有妝頭又靚仔到咁(都正常發揮啦)，當然影張相留下倩影! 點知影影下阿姜生亂入，我心諗，哇! 難得同我影相就當然奉陪到底啦，結果… 」他再寫道：「阿姜生，你突然挨咁近，想玩咩？唔對路喎，個嘴都嘟埋出嚟，佢(姜濤」突然Lam咗我耳仔一下! 無錯，係！feel！ 到！口！水！嗰隻，並且發出魔性嘅笑聲」最後Stanley 更表示想報仇，相中姜濤有如大細路般，非常百厭，網民都笑指要封二人為「大表姜CP」，而姜濤則繼續以伸脷的表情符號回覆，相當搞笑。