龍炳基大談昔日周星馳大頭蝦事件。
由譚玉瑛、黎芷珊及蓋世寶擔任主持的《童你一起長大了》，打頭陣登場的是《430穿梭機》一眾主持，除了元祖主持機長張國強及副機長譚玉瑛，穿上製作組專誠度身訂造的機長戰衣登場外，前主持陳嘉輝及龍炳基亦以特別形式登場，與昔日拍檔聚首話當年。
星爺時常問龍炳基借錢。
星爺為龍炳基做媒人？
與周星馳(星爺)一齊讀藝訓班的龍炳基，1983年加入《430》，並於早年移民美國；他透過視像現身，憶述最難忘的往事是經常NG，並大爆兒童節目之寶譚玉瑛姐姐記性超好：「你畀份稿佢，五、六張紙佢都唔漏，標點符號都記得，仲要連你嗰句說話都可以記埋。」他又大談與星爺的點滴，笑謂對方是他與太太的「媒人」，「嗰陣時幫《黑白殭屍》喺廠度拍Opening宣傳片，我同星仔要喺天窗度跳落嚟，星仔跳先，但佢可能出於本能驚，就縮起咗隻腳，當時我跳緊落去，咁就撞咗落我個鼻骨度，咁就爆咗，我成個鼻歪咗。然後我入咗醫院，但就因為咁識咗我老婆，曾華倩次次見到我都笑問：『你仲係嗰個護士老婆？』」
周星馳與梁朝偉同框！
當年星爺曾與譚玉瑛主持兒童節目。
張國強盛讚偉仔有跳舞天份。
星爺成日問龍炳基借錢
龍炳基又笑指星爺「大頭蝦」，經常「唔見銀包」或「忘記帶銀包」：「咁佢會點呢？佢住得公司近吖嘛，咁佢搭的士返到嚟，然後就衝入嚟化妝間：『基仔基仔，拎住廿蚊嚟。』我就會問：『又嚟做咩？又唔記得帶銀包？』架的士就喺出面等緊，佢又衝番出去。有時喺Canteen食嘢，佢唔記得帶銀包又係咁：『喂！龍炳基同我畀住錢先。』我諗諗吓，佢有冇畀番晒啲錢我呢？我借咗咁多次錢畀佢。哈哈。」
譚玉瑛即打趣謂：「唔怪得我見親佢，佢第一句都係問基仔依家點，可能佢想還番啲錢畀你。」黎芷珊則笑言：「佢(星爺)對我哋冇咁㗎喎，出去食嘢係佢畀錢㗎喎。」張國強聞言即開基仔玩笑謂：「你喺佢心目中唔係龍炳基，係提款機喎！」由於星爺練開泰拳，眾人指他當年有「泰仔星」之稱，黎芷珊更透露，當年星爺最愛找她做靶練腿功，而她則由最初的「大嚇一跳」演變到最後「冇晒反應」。
另外，陳嘉輝則扮演「論盡的工作人員」現身錄影廠，與昔日拍檔重聚，由於他低調神秘又古惑，一度嚇窒芷珊與譚玉瑛，場面搞笑。
譚玉瑛爆嘉輝當年好大整蠱。
譚玉瑛激罕泳裝
節目還回顧了譚玉瑛與芷珊的青蔥歲月泳衣照，當年兩人其實均相當靚女，譚玉瑛更笑指著泳衣拍攝是自己一大突破，原來保守的她，當年答應擔任兒童節目主持前，曾與監製定下四大守則：「唔袒胸露臂、唔著泳衣、唔著短裙、唔著吊帶」；不過為了節目效果，譚玉瑛還是獻出了「第一次」幕前水著，她笑指該套泳衣，是問阿嫂借的。
譚玉瑛陳年姐姐水著Look。
《430穿梭機》昔日珍貴照片。