許冠文零片酬拍戲助業界。
許冠文在34度高溫下，親身穿潛水衣拍落水戲，毫無怨言。
新冠肺炎疫情肆虐，電影業界進入寒冬期，由10間電影公司合資開拍《總是有愛在隔離》，以解基層業界的燃眉之急。不少影界前輩都鼎力支持。77歲的許冠文(Michael)不但零片酬接拍，更親身上陣應付「動作」場面。其中有場秘密水道逃離酒店的戲，許冠文、錢嘉樂、王凱韋、馮勉恆在34度高溫下穿上全套潛水裝備，未落水已全身滴汗濕透，另外，Michael亦要與錢嘉樂瞓身爬鐡道，捱夜抵熱拍動作戲的Michael，毫無怨言，「我幾鍾意做動作戲，因為唔洗諗對白，好嘅動作戲唔需要解釋，拍喜劇我都係最鍾意做全世界都明嘅動作，咁就最好！」
錢嘉樂與許冠文有不少對手戲，兩人一起逃出被封的酒店。
許冠文瞓身爬秘密鐵道，敬業樂業。
身兼動作導演的錢嘉樂在戲中演Michael弟弟，被指「虐待」前輩，他笑言只負責實行，「我多數度文戲，有幽默感嘅對白，佢就負責動作、打鬥，幾有火花，佢會度一啲嘢我唔會諗到！」原來嘉樂早在35年前曾與Michael合作，他說：「Michael未必記得，我係《智勇三寶》做過佢替身，演員身份合作今次係第一次，在《總》中演他細佬，可以同偶像合作，每日開工都懷住又緊張又期待嘅心情。」