黃翠如、洪永城及蕭正楠是圈中出名的好朋友。
洪永城(Tony)早前宣布婚訊，好友黃翠如在網上發文祝賀，但有不少網民認為翠如的發文「葡萄味濃」、「為好友唐詩詠抱不平」、「宣示主權」等，引來網上熱烈討論。事後翠如在網上逐一回覆網民的留言，就連蕭正楠也要留言護妻，搞到一地花生。
有網民批評翠如的祝賀文，洪永城、蕭正楠先後留言為翠如護航。
今日蕭正楠出席劇集宣傳活動時，提到翠如的發文，他笑道︰「Tony真係好剋佢(黃翠如)，佢哋喺埋一齊都冇咩好事發生。大家看完都應該明白翠如個意識，唔係踩佢，亦都唔係宣洩啲乜，只係當佢好似細佬咁。」他又指翠如見到Tony最後娶到一位好太太非常感觸，所以寫下那篇文章。他續說︰「我哋4個人知道篇文係冇任何意思，只係佢(黃翠如)覺得Tony大個仔，唔好辜負身邊呢一個，就係咁簡單。」
蕭正楠認為翠如的文章沒有其他意思。