莫文蔚(Karen)一連3場紅館演唱會於昨晚圓滿結束,提到她穿上涉辱華的D&G服裝拍攝新歌《婦女新知2021》MV,惹來大陸網民不滿,她坦言很內疚,並指是自己疏忽。
Karen表示這幾天一直專注自己的表演,事後才再了解發生甚麼事。她說︰「係我疏忽,冇得賴。因為呢半年我都專注個演唱會,我做埋創意個part,好多嘢要做,又錄新歌等等,平日著乜品牌我真係唔理,但原來係需要care,今次真係冇特別留意造型師借咩衫回來。因為佢哋覺得件衫適合個mv,叫我著就著,我完全無過問任何嘢,係一個好好教訓,以後會連呢啲細微位都會自己留意。」
問到MV現時下架能否會否重見天日,Karen稱︰「一定會整番好佢,但啱啱完咗場騷,咩都未傾,總之之後會整番好佢。」