田蕊妮認同游學修未來有不同可能性。
蕭若元與游學修就「香港電影工業無前途」討論，前者認為行業要回復昔日光彩的機會是零，游則認為蕭的說話「等如叫他們(年輕人)去死！」事件在網上掀起熱烈討論。(相關新聞︰https://bit.ly/3aT8HYF)
田蕊妮應有線前新聞之花張寶華之邀，到其YouTube節目擔任嘉賓，被問到對蕭若元的言論有何看法，阿田就指現今科技令觀眾接收娛樂的習慣性不同，與昔日的模式大不同︰「一個電話已經可以搵到好多娛樂，以前嗰個年代，佢哋餵你食咩就食咩，依家係一個變化年代，你唔知嗰樣嘢會變成點。娛樂係唔會無，但結果變成咩模式，依家就喺一個變化階段。」
蕭若元向年輕人大潑冷水。
游學修指沒有人有資格去定義機會率等於零。
阿田指蕭若元處於收成期，並不覺得人要依循舊規則去建立，但可作為參考︰「乜嘢都話死咗唔做，咁唔使做人喇？呢一行仲有好多人好有熱心同理想，想開創新嘅路，睇下將來係點。乜嘢係成功，就跟住嗰條方程式去做，但係我覺得而家個世代唔係，已經唔再係有一條方程式跟住去做，甚至嗰條方程式，好可能係令到嗰樣嘢滅亡嘅主要原因。」
田蕊妮指「喱騷」app是希望行出一條新的路。
她又多謝蕭若元的言論為大家帶來衝擊︰「如果唔係有蕭生呢啲前輩，佢哋咁樣去衝擊我哋嘅思維，話俾你聽你哋嘅機會係等於零，你嗰股勁係未必有咁勁，有陣時人就係需要有少少呢啲鞭策，嗰種力度會令大家更加醒同更加強。」