「宇宙天團」ERROR四子肥仔(梁業)、阿Dee(何啟華)、193(郭嘉駿)和保錡,昨日在Do姐主持的商台節目《口水多過浪花》接受訪問,193就早前的「搲波鞋」親自解畫,他表示,他在社交平台上載的波鞋款式,由三個很厲害的牌子聯名推出,在外國也不可能買到,他才放上IG求助,「無論係抽又好,公關、水貨店幫我又好,想有個途徑可以攞到對波鞋,因為我超想要!」
193又表示,事後該品牌已直接聯絡他,指出那對限量版波鞋即使花錢也買不到,任何人也不能留貨,他更強調,「我絕對俾得起錢,其實我拍一個廣告可能都買到十對、廿對,點解啲人會話我想要免費波鞋呢?如果有睇開我不嬲儲的波鞋,就知嗰對其實唔算係貴波鞋。這是回憶,純粹係儲,可能我唔著架。」事後,公開撰文批評193搲波鞋的KOL「家明」,遭網民鬧爆,在社交平台宣布「大辭職日」,退出其專頁,後會有期
作為ERROR的「Fashion擔當」,193自言無特別去追名牌,身上服裝多屬贊助品或是自家製作,「其實做呢行著私伙,一兩次就被認得唔會再著,除非你真係好想儲嗰樣野,好似呢對波鞋,即使用一個好貴價錢,都會買佢返嚟。」