Ad Block Ad Block
娛樂
2020-02-20 04:30:00
日報

見靚女即講流利意語 黃秋生紳士風度獲讚

分享:

黃秋生夥拍相識近20年名廚好友張錦祥(Ricky Cheung),為ViuTV所拍的飲食節目《究竟食咗乜》,明晚播出的一集,二人去到意大利卡塞塔省行花市,體驗當地聖誕手作市集,更去餅店學整餅,而秋生「女士行先」的態度,更獲得當地師傅稱讚。 
 

意大利著名傳統聖誕食物,要數Panettone(聖誕傳統蛋糕)莫屬,是家家戶戶過節必備美食,Ricky見到Panettone已經興奮,在旁的秋生,則因店員太「靚女」而怕醜臉紅,直言:「我淨係見到靚女咋!」更望著店員傻笑,他叫隨行翻譯轉述給她聽:「你話俾人地聽呀嘛!唔係以為我做咩喺度)笑佢。」店員聞言後隨即冧爆甜笑,秋生即用流利意大利語,向店員表示要買一個Panettone,立即被Ricky和翻譯取笑:「果然有靚女就識講意大利文。」


笑言No Woman No Bread
隨後,二人去到餅店學整Panettone,新鮮出爐的Panettone好食到令秋生大呼:「淨係學整呢個就得。」當地師傅聞言笑指,學完要留下工作十年才可離開,Ricky馬上開玩笑:「頭先見到個女整餅師都Okay得喎,仲好後生添!」秋生聽到後立即除衫,更笑言:「我當年都係咁樣瀨嘢。」秋生禮讓女士的風度獲得當地師傅稱讚,表示他們在餅房工作的首個動力就是女人,第二個才是麵包,秋生笑言當地師傅態度正確,更指:「No Woman,No Bread。」

請接受以下私隱政策及免責聲明,以示你同意am730內之私隱政策及免責聲明。了解更多
接受