今日Sammi與阿Sa錄影節目，為《聖荷西謀殺案》做宣傳
今日鄭秀文(Sammi與蔡卓妍到電視城錄影《Do姐有問題》，兼順道宣傳電影《聖荷西謀殺案》。提到潛水多時的許志安日前首度復工，提起Sammi一度眼濕濕。Sammi聞言即說︰「有冇咁誇張？」她續稱︰「我覺得一步一步啦，佢要出返嚟面對群眾、世界同自己，承擔番都係必然一步，只係咁啱唱片公司有呢個邀請，佢有問過我意見，我叫佢自己去諗，因為面對呢件事都係佢自己，我又唔知佢心理ready未，因為始終成年幾，如果你ready我就支持。」
Sammi心情大好，更大談安仔復出。
Sammi表示安仔能否復出是次要，反而他如何面對自己及別人才是最重要。她說︰「對佢嚟講，都係一個好大心理關口。始終突然面對咁多群眾，同唔同評語，我都替佢高興，因為佢跨過咗。」她稱有看到安仔當日的訪問，「我叫佢自然啲同真心，你呢年幾有咩感悟，你自己咪表達出嚟啦。睇完都覺得ok啦，評語好難控制，如果有好差劣嘅評語都唔需要介懷，最重要佢自己係承擔番，面對自己。」
問到安仔現時心情如何，Sammi想了想就話︰「替佢高興，佢面對廣大市民喎，對佢嚟講唔容易，我覺得佢係舒服咗。」問到雙方感情是否再進一步？她說︰「我覺得一對夫妻其中一個出事，係要一齊面對;其中一個病，都係一齊病，所以係一齊承擔。呢個係婚姻一個學習階段。全靠信仰支持，從聖經得到不少答案。」
Sammi表示安仔現時轉變了很多。
Sammi表示當時緊接要搞演唱會，要處理的事非常多，待完成演唱會之後才處理自己的情緒，她再三表示︰「我覺得宗教幫咗我好多，大家唔使擔心，信仰係呢件事上面好幫到我。讓啲時間過囉，好似傷風咳咁，等佢慢慢好，整個過程都好自然，一齊面對。」她直言這件事對安仔改變甚大，有更新及進步的感覺，「佢踏實咗，認清咩係最重要。其實有時衰一次，都唔係壞事，係人生一個階段，好痛咁錯一次，重新審視、建立自己，個過程係好慘烈，但回望返係值得嘅。」