陳百祥(叻哥)出席食肆開幕活動,原來他亦有留意《聲夢傳奇》,大讚三料冠軍炎明熹(Gigi)好有潛質,但對老友曾志偉指Gigi似梅艷芳則過譽。阿叻說:「GiGi靚過阿梅少少,唱得好有性格,Archie(冼靖峰)幾好,唱得,當年學友都係最唱得,學友冇Archie咁著數,因為依家冇咁多對手。」對於另一氣王姚焯菲,叻哥指對方年紀尚輕,可慢慢栽培。
叻哥曾任多屆港姐司儀,問到會否回去幫手,他表明現在只愛玩︰「做人最緊要開心、冇求。我叫志偉千祈唔好搵我,你睇譚詠麟同李克勤番去幫手幾忙!俾多啲機會後生啦,後生仔有創意。」