Ad Block Ad Block
娛樂
2020-03-22 18:32:00

連踩19日拍《踩過界II》 王浩信為沖涼戲脫水修身

分享:

王浩信最近為《踩過界II》拍攝,上一輯他在戲中有不少赤裸上身及沖涼戲份,來到第二輯當然也要再次出浴,騷下quali儼如王浩信的指定動作。今日他在網上分享拍攝心情,坦言每一日都心力交瘁,連續19日的法庭戲及沖涼戲,對他來說好似完成了一項好艱鉅任務。

《踩過界》第一輯有出浴。

《踩過界》第一輯有出浴。

呢一幕激戰Never(李佳芯飾)騷肌戲,令觀眾難忘。

呢一幕激戰Never(李佳芯飾)騷肌戲,令觀眾難忘。

他說︰「每日12個鐘頭工作,兩三個鐘頭溫書,其他時間做人基本要做嘅嘢,之後每一日急速流暢嘅陳詞同埋盲俠嘅姿態為唔同嘅案件提出控辯,每一日完成之後都可以話係心力交瘁,所以每日都同自己講休息好第日再嚟!從緊張到輕鬆到最後第15日,要開始脫水狀態循環,準備最後一日沖涼戲,第一日8L水第二日4L, 第三日2L...到最後一日有需要先可以飲一啖!」

《踩過界II》又再沖涼。

《踩過界II》又再沖涼。

他續稱「在雙重環境底下最後兩日精神上真係有一種抽離嘅感覺...最後最後將僅餘嘅能量由血液泵到肌肉完成了廠景最後的一場!終於完成……懇請大家恕我長氣,但係我深深體會越艱辛嘅過程學到嘅嘢越多,好似每一場官司,幫每一個受害者,令我體會到公義……大腦吸收知識,一定要在放鬆的情況底下,一緊張就唔入腦……等等……事情好壞都在乎你的角度,但經過時間一定會過!到最後都要講返句記住支持#踩過界2 疫情下共勉之!」

請接受以下私隱政策及免責聲明,以示你同意am730內之私隱政策及免責聲明。了解更多
接受