兆尊攜新歡上節目，未知會否令其餘兩位女友不滿。
鄧兆尊有3位女友，以前的阿三Claire已經換畫，變成了新歡陳小姐。受到限聚令影響，兆尊不能一拖三行街，早前他只帶陳小姐接受苑瓊丹訪問，可見新歡最得兆尊歡心。苑仔在片中取笑兆尊愛吃豬扒時，他直認不諱︰「我鍾意食靚嘅豬扒。」
苑仔幫朋友的凍肉直銷網站做宣傳，於是找來兆尊幫忙。對於被指愛吃豬扒，兆尊反駁：「豬扒有好多種！生活方面我鍾意食靚嘅豬扒，最靚嘅豬扒放喺屋企。」苑瓊丹更叫兆尊拿「靚豬扒」出來看，他介紹新歡陳小姐出場，陳小姐聽到自己被指豬扒即撒嬌，場面搞笑。
陳小姐投訴被指豬扒，兆尊即場呵返。
暗示陳小姐最醒目
兆尊大談被女友俘虜的方法，十分認同鎖住男人的心先鎖着男人的胃，陳小姐也直認靠煮飯冧兆尊，並大爆對方最愛吃牛扒。苑仔問到是否一個女人一個家？兆尊說：「當然啦，唔係就火燭喇！邊個煮飯煮得好，我就返邊個屋企。」他在片中又提到女友們有時會向他拿買餸錢，苑仔即追問︰「咁個個問你拎，咪好大使費？」兆尊說︰「未必，有啲懶，唔識做，醒目嗰啲先識做。」