有傳鄧卓殷在新劇《雙生陌生人》與黃庭鋒有一場接吻戲，但有傳男友郭子豪不批准，於是鄧辭演劇集。郭子豪今日到電視台宣傳《食腦喪B》時，避談此事，著記者找鄧卓殷回應。
問到是否禁女友拍咀戲，郭子豪︰「我冇回應。」又否認自己是醋男友︰「如果工作需要，公司安排都ok。」提到新人推劇會令監製留下不好印象，他表示擔心影響女友發展，會盡量安慰對方，但認為此事由公司及女友自己交代比較公平。 問到他拍親熱戲可會激嬲女友，郭子豪稱大家有溝通過︰「細節唔講，但男仔做嘢為先。(你係大男人？)唔回應！我好尊重公司決定，我十分尊重公司決定，佢哋有咁嘅決定一定有正確嘅原因。」