樂隊Nowhere Boys的主音Van,獲偶像鄭伊健邀歌兼合唱新歌《時光歲月》,伊健更亮相MV,Van高呼「成就解鎖」。
與Nowhere Boys屬同一公司的伊健,本獨唱《時光歲月》,但他聽完demo後向Nowhere Boys提出合唱,本身「麵粉」的Van,當日得知喜訊後開心到想喊,面對伊健立即變乖寶寶,更被隊友爆料「迫導演加戲」,Van立即解釋:「其實劇本一早寫好咗,我只係溫馨提示導演有呢場戲啫!(聽講你噚晚敷Mask打孖上喎!)我梗係要整好啲個樣,咁先至襯得起伊健架嘛!」伊健立即醒他兩招:「我初出道嗰陣出鏡故意唔化妝,觀眾見到個個上鏡都咁靚,寧寧舍舍有一個唔化妝黑麻麻殘殘地,咁先夠特別!」