鍾培生早前出席活動，詳盡介紹當日拳賽，更推出紀念品。
林作接受鍾培生的百萬擂台挑戰餘下兩個月，門票昨日開賣，最貴的VVIP組別，售價由$12,800至 $28,800，火速賣清光。截至今日，價值$4,800至$8,800的VIP門票亦都售罄，現只餘少量的$2,580及$1,280門票。
張海報幾型喎！
當初不少網民笑言門票不值$28,800，但從反應看來，今次擂台戰有一定的吸引力。鍾培生事後拍片多謝大家的支持，直言大家瘋搶門票，而林作亦在網上三度出PO，呼籲他的支持者買飛入場支持︰「歡迎我的支持者買飛入黎支持我！唔好令成場都係佢啲人」、「千幾2千幾嘅門票，我又會咁講 - 睇我創造傳奇收終賠生皮，好似睇英格蘭捧杯咁，都值嘅」、「希望到時場內支持我嘅人多過支持佢嘅，借力令佢終賠生」。
現時門票只餘下少量平飛。