Jace陳凱詠邀請G. Racie 王君馨與她一起swag爆鬥舞，由於現場燈光非常有氣氛，而且又有名貴跑車助陣，Jace亦笑言：「當自己去咗洛杉磯玩一晚咁！」
Jace形容今次與G. Racie合作突如其來又十分順行，她興奮地說：「今次呢個合作嚟得好突如其來，有一見如故嘅感覺！我膽粗粗問完佢又肯一齊玩，好快就諗到玩咩歌同點樣排舞，非常順利！」她又大讚對方非常友善，直言「有一種返去中學high school女仔約埋一齊打扮，一齊跳舞咁好開心！」
G. Racie則大讚Jace很有swag，她說：「今次拍攝好開心，好鍾意Jace嘅風格，覺得呢個新artist好正，好有swag，跳舞亦非常出色。而且佢Jace好似一個活潑嘅小朋友，雖然佢高高瘦瘦個樣又有啲性格，但佢其實係大細路，令成個拍攝過場程好開心！」
