黃秋生、梁祖堯和徐天佑,接受香港開電視節目《娛樂頭條E-news Headline》主播馬梓軒(William)專訪,他們主演的舞台劇《尋常心》將於下月公演,秋生笑言當初是一口答應梁祖堯參演:「第一我冇嘢做,加上年紀大,年年都要郁吓個腦呀嘛!第二係信得過梁祖堯,第三係知道由英國導演執導,可以免費學英文,所以同演戲一啲關係都冇!」
劇中秋生和梁祖堯飾演兩兄弟,而梁祖堯角色性格衝動,秋生坦言自己現實中更像梁祖堯的角色,他說:「我咪就係咁衝動!我啲仔全部都頂我唔順,到依家都係,會成日同我講唔好咁啦,冷靜啲,唔好咁衝動,幾廿歲啦嘛!」
被窒李華月都搞得掂
至於梁祖堯和天佑在劇中飾演一對同志戀人,天佑笑稱,平日生活與梁祖堯也很親密,。但對於演同志角色,秋生則大感好奇:「我就唔得啦,我都好想知你點得!」梁祖堯說:「李華月你都搞得掂喎!」秋生即反駁:「李華月起碼係個女人!其實我年輕時都花咗好多時間去諗呢樣嘢,終於發現原來自己係冇軟件嘅機器,即係我明明係收音機,我點會有畫面啫!」