Ad Block Ad Block
娛樂
2017-11-16 06:00:00

黎明拍片鼓勵 衛蘭感動到眼濕濕

分享:

衛蘭(Janice)將於明年1月在紅館舉行演唱會,在昨日的記者會上,獲舊老闆黎明(Leon)、雷頌德(Mark)、鄭秀文、容祖兒和李榮浩等拍短片支持,Leon更在片中鼓勵Janice,令Janice感動得眼濕濕。 
被問到演唱會有甚麼新嘗試或者不想再做的事,Janice笑說:「有呀!以前做過嘅都唔想再做,亦唔想跳到好似郭富城!」Janice又在台上獻唱歌曲,更獲唱片公司送上機票,待她完成個唱後,可選擇去喜歡的地方。

已落實三位演唱會嘉賓
對於Leon和Mark拍片支持,Janice表示超級感動,「事前完全唔知佢哋拍咗片支持我,以為佢哋無興趣嚟,遲啲會親自打電話邀請佢哋。(會請Leon做嘉賓?)佢嚟睇我已經好開心!」她又稱三晚演唱會的嘉賓已經落實,為保持神秘,所以暫不透露,「三位嘉賓都未合作過,有男有女,都係唱歌好了得。」

不刻意減磅
Janice表示,已經為個唱操fit,希望以最佳狀態應付三場演出,但不會像以前刻意減去10磅。她說:「我最瘦時依然俾人話肥,索性唔理喇,我唔係要放棄。最重要都係身體健康,鍾意聽我唱歌嘅人,應該係唔會介意我肥定瘦。」


 

請接受以下私隱政策及免責聲明,以示你同意am730內之私隱政策及免責聲明。了解更多
接受