Jeffrey貼「黑圖」為Edan 賀壽。(Ig圖片)
MIRROR成員呂爵安（Edan）今日25歲生日，圈中人緣甚好的他，獲不少好友貼文送上祝福。好友魏浚笙（Jeffrey）就於社交網貼出多張合照祝賀他，除了有被Edan「胸襲」的照片，他更公開Edan的「黑圖」，非常搞笑，並寫道：「@edanlui 哥哥 生日快樂 #送上黑圖 」而黃偉文（Wyman）亦有留言笑指︰「其實我都有張佢樣衰嘅，諗咗好耐，但冇你同佢咁熟，都係唔post！」大方的Edan 即回覆：「come on 」。
而Wyman亦有在其社交網分享與Edan的合照，並寫道︰「E先生生快！唔知買咩畀你好，2021年香港4個串流平台的點擊率當禮物可以嗎？哈哈，希望以後每年可以送番一模一樣嘅禮物，咁就真係年年有今日。講吓笑啫，希望你同大家都有幽默感同音樂。我同呂生咁耐以嚟，其實只係見過一次大概50秒鐘，所以只得一組合照。」Edan回覆︰「Thank you Wyman，呢個禮物冇得頂啊﹗」不少「爵屎」都紛紛留言求Wyman公開Edan 的「黑圖」。
至於，「正印」阮小儀亦有在社交平台上載她捉住Edan手臂疑似講秘密的合照，並表示︰「靜雞雞話你聽吖：Edan，er er er...... 你戇居同chok都係正嘅！Happy birthday ﹗」
阮小儀大讚Edan 無論點都係咁正。(Ig圖片)