Eric Kwok安排葉佩雯食免切豬脷

新冠肺炎第四波爆發，人人留家抗疫，音樂人Eric Kwok(郭偉亮)與好友谷德昭於YouTube開設新頻道《Round Table Poker》娛人娛己，大玩德州撲克，將會逢星期一、四推出，每集邀請好友參與。雖然節目中會玩德州撲克，但並非以錢作為賭注，而是輸家接受最討厭食物大懲罰，在節目的宣傳片中，見到葉佩雯(Grace)不情願吃豬脷；Eric Kwok則食榴槤食到嘔；肥谷就飲到嘔白泡；周秀娜要吃blue cheese或狗罐頭二揀一。
對於葉佩雯(Grace)接受大懲罰時，要吃免切豬脷，Eric說：「成條脷買返嚟都覺得個樣好核突，其實食落去好似鴨腎咁，冇乜嘢！Grace就冇問題，所以條豬脷俾佢囉！我就最怕食榴槤、納豆，賭枱上我哋兩公婆不會禮讓。」Eric表示，節目為求效果會主力邀請女嘉賓，而且開設這個節目主要想教導大家玩德州撲克：「喺枱度玩就會出現好多真性情，牌品好、人品好㗎啦！何超儀呢集好堅呀！真係唔好睇少何家後人，有賭王照住佢，佢啲牌勁到呢，絕對係有賭神嘅運！」谷德昭笑言：「能夠同姓何嘅後人喺賭枱上面一較高下，我會全力以赴。」