現年31歲的JW (王灝兒) 早前任《聲夢》導師人氣急升,原來JW係童星,自少已經拍廣告上電視,JW 今日在社交平台貼出自己於1995年5歲時拍的樓盤廣告截圖,寫道:「Hahaha,家姐搵返我5歲拍嘅廣告,真係大個女啦,swipe left to watch it。 #愛心灌溉#daddydaddy #花園個蕃茄出咗世喇」相中的小JW 笑得好燦爛,拎住個蕃茄,肥嘟嘟非常可愛,樣子同現在相比也沒有太大變化,一眾圈中好友包括衛蘭、周柏豪、蔣家旻等都紛紛留言大讚可愛,而洪永城及其男友都表示:「冇變過的樣。」