MIRROR一連六場演唱會於昨晚圓滿結束，12位成員升上半空與現場觀眾揮手，全員眼濕濕，柳應廷(Jer)、Jeremy 更哭成淚人，Anson Lo也不停抹眼淚。(相關新聞︰https://bit.ly/3be8nn9)在Encore部份，隊長Lokman率先分享感受，他表示收到指示要做6場演唱會時，直覺「會死人喎」，其後見到大家努力排練，對自己的兄弟非常有信心，相信「呢個show一定好睇」。
向來怕羞的Tiger主動要求接著發言，他表示父母有入場支持，自言不是有天分的人，很多謝父母的栽培，令他與11位成員站在台上。Stanley說道︰「喺呢幾個年頭，我哋好需要希望，好需要新嘅支持，我哋嘅動力係因為大家願意俾希望我哋。我想講，只要你哋唔肯放棄，大家一齊繼續努力下去，你哋想做嘅嘢一定會成功。我哋都會努力，做我哋要做嘅嘢，做多啲好作品答謝大家。」
MIRROR成軍以來第二次開騷，表現令人眼前一亮。(林俊源攝)
MIRROR逐一分享感受，Jer及Anson Lo在早前的環節已分享，所以在encore部份未有發言。(林俊源攝)
Anson Kong (AK)感謝《全民造星》，令他們可以踏上舞台，「佢話俾好多香港人，其實香港人仍可以發夢，只要你哋有夢想，繼續去追，終有一日會夢想成真。」Jeremy 多謝過去入場支持的觀眾，認為他們給MIRROR的愛是超乎想像，多謝大家令他得以完夢。Edan發言時，台下呼聲不斷，他指若沒有梅窩之旅，或許三年後MIRROR便消失，只要全員記住當日的感覺，相信未來有很多個3年和大家度過。
Alton 多謝家人支持，直言這是一條不平坦的路，Frankie則謂︰「付出嘅努力一定有人見到，所以大家堅定自己信念，努力做好自己想做嘅嘢，一定會有人欣賞。」Ian坦言MIRROR全隊人很簡單，初心是想唱好歌，做好每一個表演︰「呢個世界好複雜，希望在坐每位保持簡單、保持純真。」
Jeremy的表現頗為突出，有不少人希望他可以推出solo歌曲。(林俊源攝)
姜濤壓軸發言，在旁的AK搭住膊頭說︰「講嘢有水準啲呀！」Edan則問︰「今次又咩第一？」姜濤高舉拇指說︰「香港加油！」全場觀眾歡呼，在旁的成員不禁嚇了一跳，之後他續說︰「香港樂壇加油！」最後由 Lokman作總結，當他說︰「有好多嘢得來不易，好似好簡單咁，你哋買飛入場睇……」話沒說完，全場起鬨︰「好難買飛呀！」Lokman則耍冧說要收回剛才的說話並謂︰「我都知好難，所以要珍惜，珍惜你身邊所有嘅嘢。我哋經歷咗好多，高高低低，開心又有，唔開心又有，依家終於明白咩叫1加1大過2，我哋會珍惜呢份友誼，繼續陪大家行落去，見證咩叫ONE AND ALL。」
相信大家都很想看到他們踏上紅館的舞台吧？(林俊源攝)