Supper Moment尾場仍有門票出售，而周六場現只餘單丁位。
Supper Moment於本月26日及27日開騷，惟門票鎖情緩慢，尾場仍可購入貴價的$780門票。雖然二手平台仍見有疑似黃牛黨出售門票，但當中不乏「原價出讓」、「免收手續費」等字眼，其中一名賣家更標明「蝕換」，一度引來網民討論。
網上出現「平放」、「免手續費轉讓」。
有人公開表示蝕讓。
該賣家表示希望用兩張$780門票換兩張$380的Serrini演唱會門票，他在內容寫道︰「唔知有冇人肯割愛……買錯左飛…有冇鐘意supper嘅fans和我抆，女友唔肯睇，換唔到會多二個吉位……對你偶像都唔太好……求割愛。」
賣家提到自己買錯飛，並指明要換Serrini的演唱會門票，Serrini開騷的日子為本月18日至20日，地點一樣是九展。她的個唱門票今日開賣，三場門票於即日開光，網上更出現黃牛飛。Serrini在網上多次「詛咒」黃牛黨及購買炒飛的歌迷︰「黃牛嘅人、詐騙嘅人、高價接貨嘅人，係唔deserve to see me，都唔會有blessing仲有一年行衰運（無法化解）」
Serrini門票即日賣清。