Am730
屯馬綫|通車第二個紅日 九龍城街坊擬儲糧避落街
2021-07-01
news-images
通車當日九龍城人流急增。(網民Paul Lau.w.c相片)

屯馬綫在過去的周日(6月27日)全線通車,在土瓜灣、馬頭圍和九龍城一帶的兩個新車站,除為周邊居民提供多一種交通選擇外,啟用初期亦會吸引大批區外市民,探索新車站和附近環境。

不過,有網民日前在Facebook群組「九龍城大小事齊分享」發帖,形容九龍城今日和未來的周末(3、4日)「會繼續淪陷」,直言在屯馬綫通車前,從未見過九龍城廣場內一間百貨公司會被人「搶購一空」,又指通車首日九龍城一帶的食肆「都唔洗只意(唔使指擬)入到去食,買外賣都等成個鐘多啲」。

建議街坊避免「落街同人迫」
宋皇臺站位於啟德發展區與馬頭涌一帶,其中B出口設於近九龍城的南角道及世運迴旋處下方。發帖的網民向其他街坊和網民呼籲,「提提大家,要記得買定多啲野返屋企煮,如果隔離(籬)鄰居係獨居老人,都要提佢記得買定多啲嘢食擺定係屋企,冇必要唔好落街同人迫」。

news-images
宋皇臺站設有出口通往九龍城。(資料圖片)

不少網民都認同樓主的擔憂,對突如其來的一批區外遊客感煩惱,「好多觀光客,好煩」、「好想回復之前正常九龍城」、「我今日都係出面食埋先返九龍城...因為明知會勁多『遊客』」。

同時有人指出,通車首日帶來的部分遊客在上地面後更不知所措站在原地,「啲人一堆岀地(港)鐵站之後係無目的咁唔知去邊度阻住晒條街,食嘢度度都要等位。連平時最難食嘅餐廳都係咁多人等緊」、「明顯雙目無神,出左(咗)站唔知遊去邊搵食……真係第一次入九龍城咁」。有人就直言:「好在提醒下 聽日要買定先」。

news-images
屯馬綫車站土瓜灣站和宋皇臺站日前啟用。(資料圖片)
Ranking
See AllAm730
See AllAm730
See AllAm730
See AllAm730

隱私權保護政策

請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多