有網民在已圍封的遊樂場，發現有孩童正在內玩耍。(FB群組「天水圍友」)
康文署近月指因應新型肺炎疫情，把部分公園戶外設施圍封，禁止市民使用遊樂場、涼亭等設施，有網民在公園發現不少孩童進入被膠帶圍封的遊樂場，佩戴着口罩玩耍，遂拍照上傳至Facebook群組「天水圍友」，配以「已封鎖的公園」6隻字的描述。不過，有網民指出戶外遊樂場的感染風險，相信較每日人多擠迫的室內港鐵站為低，質疑發帖者為何要影相在網上公審。
新型肺炎肆虐本港逾年，多項公共設施在去年不斷封閉、解封和封閉。有網民昨下午在一個公園，發現被紅、白色膠帶圍封的遊樂場設施內，有最少5名小童正在內玩耍，相片可見他們都正佩戴着口罩。帖文一出後，有網民促請發帖者切勿「左批鬥右公審」，指即使覺得疫情嚴重，但戶外遊樂場的空氣流通程度和環境，總不會較室內的鐵路站差，反指口罩亦都唔係百分百有效，「咁係咪要日日去地(港)鐵站左影右影見人就影？」
有留言就提到，小朋友如果長時間留在家中，對身心發展都有影響，亦有人稱既然有戴口罩不妨讓他們放鬆一下，「比啲小朋友透下氣啦」、「樓主影得呢張相，相信都唔會日日屈(鬱)喺屋企啦，出街透下氣姐(嗟)，做咩要影相公審？」有網民就反諷「最好日日困係屋企，不見天日最安全」、「政府傻你又跟住佢傻」。
網民建議在家工作公務員改往公園工作
同時，有人建議既然政府安排不少公務員在家工作，倒不如安排部分人往公園負責管制人流、加密清潔公園和加強防疫措施等，認為可藉此為市民提供原有、基本的運動設施，「而(依)家封完，公務員唔洗(使)做有糧出、外判工人冇哂(晒)收入，市民又冇哂(晒)自由、冇哂(晒)活動。」
另外，群組內也有網民持不同意見，有人認為教導小孩闖進被圍封範圍本身已經有問題，亦有留言擔心感染，「呢d(啲)時候我寧願安全都唔會去。唔得咪帶去行山咯(囉)」。有身為人母的網民認為只要容許小孩進入圍封區域一次，日後難免會誤入圍封的損壞場地造成意外，「當小朋友未好識分嘅時候記得上次父母比入喎，感(咁)我今次都入得啦，萬一感(咁)諗會危害到佢哋嫁(㗎)。」
有留言嘆最大問題是「有病假定」
有網民回應她表示，署方對損壞設施的圍封不會像目前防疫般簡單圍封，更指出其他人如果要抱着「有病假定」的心態過日子，「最好就唔好出街，咁就最×安全啦，你又安全又唔洗(使)做醜人玩批鬥公審比(畀)人×」，「戴口罩根本唔係問題，問題係假設曬全部人都有病。」