Ad Block Ad Block
本地
2021-06-08 08:20:00

網上熱話|烏蛟騰村豎告示 懇請先讓村民登車惹熱議

分享:
有網民認為烏蛟騰村的告示內容相對已較客氣、不是「老奉」。(網民Lana Lo@FB群組「香港行山遠足之友(吹水山谷)」)

有網民認為烏蛟騰村的告示內容相對已較客氣、不是「老奉」。(網民Lana Lo@FB群組「香港行山遠足之友(吹水山谷)」)

不論平日還是周末,新界各處鄉郊在過去的一年多,都成為港人「鬆一鬆」的好去處,但對當區居民而言,所造成或帶來的不便卻「有苦自己知」。近年一直依賴專綫小巴外出的北區烏蛟騰村,近日在村口豎立一塊告示牌,表示村民在繁忙時間登車變得困難,希望外來和郊遊人士能體諒他們難處,優先讓村民乘搭小巴。

從網民Lana Lo張貼到Facebook群組「香港行山遠足之友(吹水山谷)」的相片可見,告示牌簡述小巴線對村民的重要性,以及他們近年在繁忙時間難以登車的情況:

20R專線小巴係本村烏蛟騰居民唯一公共交通工具,方便居民外出工作及購物。
鑒於小巴班次疏落,遇到繁忙時段,居民難以乘搭。為了避免發生混亂,故此懇請外來及郊遊人仕(士)合作,先讓本村居民上車。多謝合作!

烏蛟騰村 示

張貼相片的網民形容,「經常嘈交,終於出左(咗)牌啦」。有其他網民認同村落的出發點,「都明白多行山人士去等車會影響村民生活!所以能體諒就讓下,或組隊call的士走」、「依家有咁多外來人入黎(嚟)坐呢條線,搞到原本村民坐既(嘅)變左(咗)無得出入返屋企,到底係邊個既(嘅)問題」、「其實我同意咁安排,搞唔到你梗係大聲」。

Ad Block
引起爭議的20R線專綫小巴,往返大埔墟站及烏蛟騰。(香港巴士大典用戶Fw5572圖片)

引起爭議的20R線專綫小巴,往返大埔墟站及烏蛟騰。(香港巴士大典用戶Fw5572圖片)

相關新聞:網上熱話|鐵騎彎道超車「俾五」獲讚有禮有技術

網民執着公共交通:任何人都有權搭
有留言就認為,專綫小巴既然屬公共交通工具之一,理應仍可按照先到先得形式搭車,「即係所有前往該區嘅人士都有權使用該交通工具!所以排隊上車係最公平嘅!」「專線小巴,不是村巴,大家排隊有咩問題,如果係村巴我會體諒」。亦有人直言,面對需求增加就應要求運輸署批准或小巴公司加班,而非區分有特權的村民和外來的遊客,「這是小巴公司責任,就好似長洲小輪一樣,當人多時需要增加班次疏導人群」、「公共交通工具村民應該無特權,班次少就應該向區議會、政府反映,唔加班次永遠解決唔到問題」。

Ad Block

有人形容內文算有禮「唔係老奉」
不過,不少人都反對有關觀點,「你行山行邊度你有得揀,人地村民冇得揀比吾(唔)比你班自私鬼黎行山架(㗎)。影響到人地生活啊,仲好似好大條道理咁。烏蛟騰啲村民算友善喇,如果係八鄉元朗嘅原居民,塊牌應該吾(唔)會寫得咁客氣」、「所以個牌都好客氣,係懇請,唔係老奉,村長都知碇,行山人士咪盡量將就下D(啲)村民」、「講真!冇呢班村民就冇呢條線,咁你冇得搭,冇得撘就冇得行山,冇得就唔冼(使)為咗搭車來嘈啦。」

Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受