【克服偏食】日本網友：零食薯條撈蘿蔔沙律超好食

小朋友多數都鍾意食肉多過食菜，其中紅蘿蔔都係好多小朋友嘅剋星，不過最近有日本網友分享一道食譜，強調連討厭紅蘿蔔嘅小孩都會無限添食，而且呢個食譜超簡單，就係將紅蘿蔔切絲，再加零食薯條，再加沙津醬撈勻就搞掂，如果唔計切絲時間，簡直係3秒鐘搞掂。

而有網友半信半疑跟住做，結果發現真係超好食，用嚟送酒，仲好食到連啤酒都變得更好飲！呢道菜喺日本，網上一片好評，各位家長又有無興趣做俾偏食嘅小朋友？