旅行係好多人最愛活動，不過有網民喺Facebook專頁「生仔要考牌系列」，轉發一位女士發文，呢位女士早前同老公喺日本黃金周去咗關西，於京都逛街中途，喺洗手間發現妊娠中出血，但搵唔到醫生同醫院，佢喺出發日本前，主診醫生已宣告BB有問題長唔大，需要安排回港後做人工流產手術，只係無諗到未返香港，就喺日本出血。
呢位女士發文原意係感謝自己喺日本出問題，同老公又唔識日文，好在有網絡版主們幫手，但佢呢篇文一發，網民都插爆，質疑佢主診醫生都已經講明過胎兒有問題要做人工流產，何解仲有心情外遊？有網民話：「旅行咁重要？ 自己都唔識分辨重唔重要。唔好害下一代，不要再生。」「用生命值換飛行里數」。