事主慨嘆近期經常有遠足人士在車廂高談闊論，令她無法享受寧靜車程。(網民Poyee Tang@FB群組「東涌friends club」)
新型肺炎疫情影響全球，遠足漸漸成為港人最受歡迎的周末活動之一，但大批外來者或對當地原有居民或活動的人士，造成一定滋擾。有網民日前乘搭巴士往愉景灣時，遇上一批在車廂高談闊論、並非有純正廣東話口音的乘客，事主忍無可忍在網上發帖抱怨道：「可唔可以比(畀)我靜靜地坐車返工姐(嗟)、可唔可以講廣東話姐(嗟)，你地(哋)行山入去咪得囉，點解要坐車呢？」
有網民就認為遠足乘客較為「乞人憎」，指他們「多數響(喺)架車度大大聲、方死人地唔知佢地成班入黎(嚟)行過山」、「好憎搭巴士遇到行山人又嘈又大聲，可能行山果d(嗰啲)特別好中氣，但……真係好煩」。
事主其後補充，平時每班車通常會有數群往愉景灣遠足的人士，但今次同一群組已經有很多人，「今次唔分散都坐大半層 仲未計另一班幾條友……今日連家鄉話都出埋」。有留言就附和分享道：「仲要分散晒黎(嚟)座(坐)，一個人霸兩位起碼霸你半架車！仲要全車人聽佢地D(啲)所謂威水屎(史)」，並提出他們高聲談話的可能性之一，「成日仲以為自己仲響(喺)山上面、未落得返黎(嚟)」。
過去一年天氣許可的日子，每日都有大批市民乘搭巴士入南大嶼山。(示意圖，非圖中路線及乘客/資料圖片)