中秋過後撞啱係星期六,林奕匡、小塵埃及R.O.O.T DUO來到西九藝術公園海濱草坪同大家busking歡聚一番,屆時集60個本地創作單位攤檔駐場,有飾物、手錶、服裝、護膚品、布藝、皮革等筍貨,多項親子遊戲讓各位家長比小朋友放電,更可以報名參加免費的互動手作坊及享用飽肚美食!
玩之餘都要顧己及人,舉辦單位就呼籲大家一起「走塑」,自備水樽、餐具及帶備足夠食水,如果帶同寵物到訪海濱草坪,記得繫上牽繩,同時記得做足防曬、防雨同防蚊準備呀!
日期│ 9月14日(星期六)
時間│下午2時至晚上10時
開幕典禮及嘉賓演出│下午5時至下午6時
地點│西九藝術公園海濱草坪