現居加拿大嘅英國43歲氣球大師Rupert Appleyard，13年來沉迷於氣球藝術，並用「Phileas Flash」名字發表作品。
佢將漫畫中嘅蜘蛛俠、神奇四俠，仲有超人等超級英雄，以及大反派如蝙蝠俠宿敵小丑等，都用氣球栩栩如生咁扭出嚟，並且係傳神咁去表達一個漫畫場景。
Rupert表示喺英國黑潭街頭第一次見到扭氣球，覺得好有意思，就開始學習，直到2012年同太太搬到加拿大，氣球興趣仍然繼續。佢話由佢第一次睇漫畫開始，就被漫畫呢種鮮明大膽嘅藝術風格吸引，夢想係有朝一日將所有氣球漫畫作品印成書，並辦個藝術展。
