Ad Block Ad Block
娛樂
2019-05-05 22:37:00

黎明雲頂開騷 金句王又上身

分享:
Leon戴上超大霓虹皇冠出場。

Leon戴上超大霓虹皇冠出場。

黎明(Leon)上周六在馬來西亞雲頂舉行「Leon Metro Live」巡迴演唱會,相隔18年再到當地開騷,全場觀眾high爆。頭戴超大霓虹皇冠Bling Bling出場的他,連續送上《眼睛想旅行》、《感應》和《我愛ICHIBAN》等歌曲,之後向觀眾打招呼:「真係18年喇,如果我當年生咗女,今年都18歲喇,我雖然好耐冇嚟,但我都會繼續喺我應該做嘅空間去努力,無論係工作、歌曲同埋新創作,繼續為夢想去做!」

更叫人期待的,固然是Leon的招牌金句,演出期間,他每次講話都會發放「驚喜」,例如介紹歌手JC出場時,他笑說:「依家有好多新嘅歌手,讀完書、讀完大學,首先要喜歡唱歌,第二要有天份,第三係同大家有緣份。」之後他又突然說:「今日星期六,開心!」

這樣的「王子look」固然不會少。

這樣的「王子look」固然不會少。

此外,Leon又大爆當年初出道身不由己的經歷,「做新人時嘅第一首歌,聽番都覺得……」觀眾大喊「Cute」,他續說:「唔係cute,係好難啟齒。點解我啲歌要『Oh~~Oh~~』呢?我問唱片監製可唔可以代入歌詞,監製答我呢啲係節奏,一直『Oh~~Oh~~』,好搞笑。依家我啲歌不再有『Oh~~Oh~~』啦!」

演出臨近尾聲,Leon分別用國語和廣東話向觀眾道別,「雖然唔知道下一次係幾時,亦都唔知仲有冇機會,但世界係互通嘅,有緣,我哋自然會見到。」

請接受以下私隱政策及免責聲明,以示你同意am730內之私隱政策及免責聲明。了解更多
接受