Ad Block Ad Block
職場
2021-02-07 09:50:00

網上熱話|打工仔放工想靜下 網上求教點避開同事

分享:
工作時間內多投緣也好,放工後也可能變成陌路人。(Unsplash圖片)

工作時間內多投緣也好,放工後也可能變成陌路人。(Unsplash圖片)

打工仔每日工作8、9個小時,見同事的時間分分鐘較家人、伴侶更長,不過即使在辦公室內多麼投契,很多人都希望收工後有自己的時間,不想放工後繼續「招呼」同事,遑論成為朋友。LIHKG討論區網民「新鮮士卒」日前發帖問「收工點避開同同事一齊走?」他表示,曾試過藉詞有約而着對方不用等其離開,惟最終不幸地在車上相遇,「仲要冇晒位坐咗我隔離(籬)」。他形容收工之後如果仍要對住同事,「同冇收工一樣」,又指放工後想靜一靜,反正上班已「對咗成日」。

有網民就表示,公司多年來傳統就是在升降機大堂解散,「開𨋢門到大堂就拜拜各自走,多年黎(嚟)共識」。有留言就稱雖然會組隊準時走,但離開公司後大家會當作不相識,「出到公司就算大家都係坐地(港)鐵都會兵分幾路走,唔好彩之後撘(搭)車撞到都會扮唔識。」

不過有人就覺得不用對同事太上心,「見到都唔洗特別理……如果岩(啱)傾就傾兩句囉。對同事咁上心做乜,可能人地都冇乜點在意你」。常言道職場無友誼,尤其有利益衝突的同事,未知你收工後又會否與同事一齊離開?

Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受