Am730
網上熱話|想辭職但又怕搵唔到工 過來人:計好生活開支先
2021-02-03
news-images
有網民表示在目前社會形勢下,不敢毅然辭職。(Unsplash圖片)

新型肺炎疫情重挫經濟市場、氣氛甚差,不少打算轉工的打工仔因而卻步。LIHKG討論區網民「又變咗做綠色衫」日前表示,近期已萌生辭職轉工的念頭,但過去兩個月不斷求職仍音訊全無,擔心毅然辭職後未能覓得新工作。

不少試過未有新工作就毅然辭職的過來人,留言分享有關心得,有人認為只要計算好生活費用和開支,若能夠支撐到3、4個月或以上的話就可以,又稱先辭工後求職本身不是問題,「除非你無儲錢仲要有一家大細要養。」亦有人覺得如果有足夠工作能力就不用擔心,「你有料既(嘅)驚咩辭……大前提你要專科/有門手藝囉」,又指自己月薪成功因而從2.4萬元增至3萬元。有網民則指出現時很多公司都希望應徵者能即時履新,呼籲發帖事主「做得辛苦就唔好做啦,俾啲勇氣」。

不過,也有其他人持相反意見,有過來人稱數年前試過先辭工後求職,雖然頭一個月覺得「幾過癮」,但之後數個月在求職網每日都看着重覆的招工公告,試過發送履歷又沒有回音,久而久之個人變得焦慮、頹廢,繼而不想離開家門,「落街見到看更、撞到街坊就比(畀)人問:『咦,今日放假?』」他指再也不想這樣過日子,「之後就算想唔做,都係搵到先走」。雖然轉工之間的「空窗期」也是放假的一種,但有網民就慨嘆「呢個時候放假都冇乜意思,因為都冇得去旅行,焗住要喺香港。」

Ranking
See AllAm730
See AllAm730
See AllAm730
See AllAm730
Am730
網上熱話|老闆出錢送禮過年 打工仔不滿同事折現「好難睇」
Am730
Am730
網上熱話|農曆新年扣盡年假 網民呻:公司唔開工做乜扣我假?
Am730

隱私權保護政策

請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多