Ad Block Ad Block
職場
2018-04-11 06:00:00

開會規定要發言 冇嘢好講點算好?

分享:

「唔好瞓啦,輪到你講嘢。」不少打工仔認為「開會」是件苦差,早上睡眼惺忪踏進公司,被老闆一聲令下,乖乖進入會議室。以為擺出一副專心模樣就過關,豈料老闆獻新猷,規定每人必須各抒己見。到底這種規定發言的會議方式,是集思廣益,抑或浪費時間,導致「無嘢搵嘢嚟講」?

老細:我唔講嘢唔等於我冇諗法、冇貢獻。

老細:我唔講嘢唔等於我冇諗法、冇貢獻。

儘管職場「開會文化」不時被討論甚至批判,現實是不少企業仍充斥著各種大大小小的會議。美國早前曾進行職場調查,訪問了2,000名管理層,他們認為公司或部門會議中,平均有三成時間是浪費的,多數人同意公司會議時間應盡量簡短。本港情況也不遑多讓,曾有調查指,一般打工仔平均用了10%至37%工作時間在工作會議上。有網民在網上抱怨:「平時成日開會都算,老細今日規定,以後開會每人都要講自己睇法,唔可以無意見,搞到同事格(夾)硬搵嘢講,其實咪仲嘥時間!」有網民附和:「寫字樓嘅宿命,返工時間不斷馬拉松式開會,做唔晒嘢就OT。」亦有人認為:「老細都係想聽下員工點諗啫,好似係好事嚟。」

安俊人力資源顧問董事總經理周綺萍表示,聽過有公司規定員工在會議發言,「不過通常係集思會、部門小組會,如果人數多嘅會議就難咁做。」她續指,中國人一般在會議上的發言被動,「管理層咁做都係想知道員工諗法,有咁嘅規定,通常會有預備時間俾員工思考。」她認為員工不應懼怕發言,「喺會議俾意見出嚟,包含好多嘢喺入面,包括你對議題嘅知識、判斷力同組織力,呢啲都係工作能力嘅表現,亦係評估一個員工是否適合留低嘅因素。當然,junior(初級員工)唔俾意見可能都無乜大問題;但如果係senior(資深員工),連意見都俾唔到,就更加做唔到決策啦。」

職場心理學講師周朗認為,規定發言應按實際需要而定,「如果只係資訊發放,就無需要規定啦;如果係為咗解決問題,或者協調出共識,就可能有用。不過,管理層要先釐清究竟想透過會議達到咩效果。譬如係要員工幫手『度橋』,或者係要指出公司或管理層嘅問題嘅,有可能叫大家匿名寫喺紙度仲好,避免員工怕直接面對上司而尷尬。」他又強調,「避免員工反感同浪費時間,會議應該盡量精簡。」

不擅發言不代表冇諗法

或許管理層會認為,會議不發言的員工,即是對有關議題「冇諗法、冇貢獻。」周朗表示,「員工唔發言,唔代表對問題無意見。經常到訪私人企業嗰陣,要員工個別發言,有人真係唔肯講,或者講嘢係無內容;但當分組討論,再歸納意見嘅時候,好多時發現『寶物沉歸底』。的確會有人係唔擅長講嘢,但可能有好多寶貴意見喺個腦,關鍵在於會議嘅方法。」
 

 

請接受以下私隱政策及免責聲明,以示你同意am730內之私隱政策及免責聲明。了解更多
接受