Ad Block Ad Block
職場
2021-08-05 08:20:00

網上熱話|親戚問人工應該點答?網民寧報細數免麻煩

分享:
不少網民均認為,毋須向他人如實透露個人薪酬。(Pexels用戶Mikhail Nilov圖片)

不少網民均認為,毋須向他人如實透露個人薪酬。(Pexels用戶Mikhail Nilov圖片)

打工仔的薪酬在很多人眼中,都與女人的年齡一樣是秘密,但面對直腸直肚的親朋戚友,一句「你一個月揾幾多錢」或令你有突如其來的心跳感覺,既唐突又不知如何應對好。在LIHKG討論區,有網民發帖表示每次被親戚問薪金時,雖然心入面都會「突咗一突」,但認為不回答就令自己好像「好小家」,故被逼笑笑口如實交代。

不過,其誠實的答法並未獲其他網民認同,不少留言都指自己通常會報細數,幅度則因人而異,「Up(噏)少一半 or 吹多一倍 (睇情況)」、「打個7折的人工」,有人更直言寧願被人揶揄,以免去更多的煩惱,「三萬變萬三,四萬變萬四,五萬變萬五,但就預比(畀)人串,但煩少好多野(嘢)」。

有網民更表示,他報薪酬時會指自己每月僅賺取1.2萬元,「話自己窮,之後新年食飯都唔洗夾錢,只要夠厚面皮就得」,亦有人說別對他人的評價太上心,「會因為人地人工低就睇唔起人既(嘅)親戚更加唔洗理啦,你報實數分分鐘要你俾錢請食飯」、「睇你唔起咪仲好,首先有錢銀事都唔會搵你先,其次如果本身你份人係唔甘心比(畀)人睇唔起既(嘅),咁佢咁講你會仲勤力搵錢」。

請接受以下私隱政策及免責聲明,以示你同意am730內之私隱政策及免責聲明。了解更多
接受