家棟稱榮幸接拍《樹大招風》。(資料圖片)
香港電影評論學會前日選出第二十三屆「香港電影評論學會大獎」的5個獎項及6部推薦電影。今屆經歷了長達7小時的激烈討論及3輪投票，最後選出《樹大招風》為最佳電影，最佳男女演員分別由林家棟及周冬雨獲得。
杜Sir昨日出席由他舉辦的微電影創作比賽。
《樹大招風》監製杜琪峯對獲獎表示興奮：「多謝香港電影評論學會嘅肯定，又咁支持同欣賞新導演嘅作品。亦要多謝所有演員，出咗120分嘅努力，又肯支持小型製作，二話不說不問酬勞嚟幫手。家棟得到最佳男主角，實在好為佢開心！多謝一班對電影抱住夢想嘅年輕人！佢哋就係香港電影嘅未來！」
首次得男主角獎項的林家棟，獲悉得獎時更未敢相信，他多謝評審對他的支持，「今次係我入行咁多年嚟攞到嘅第一張成績表，對我嚟講意義好大。當聽到呢個消息嘅時候，一時間唔識俾咩反應，我冇諗過憑《樹大招風》攞到呢個獎，可以拍到一部咁有話題性，又俾到充分機會我發揮嘅戲係好難得，覺得好榮幸。」
「未諗點慶祝」
他又多謝杜Sir及游乃海兩位監製，「我最記得當年訓練班老師同我講人生如戲，當年得20歲唔明白，經過咁多年之後自己有好深感受，佢當年的教導對於我來說亦好有影響，要多謝佢！」家棟現時仍在工作當中，未有想過要如何慶祝。
周冬雨憑《七月與安生》獲最佳女演員，她表示：「很驚喜！以後會保持初心，繼續努力踏實拍戲，詮釋更好的角色。」
ADVERTISEMENT
請你食東海堂全新鰹魚湯櫻花蝦蘿蔔糕！
