真係邪。原本想在書展買寫真，中途俾老友A截住，尷尷尬尬咁。
老友A見到我，言辭閃爍，問我買咩嘢呀，嚇到我窒一窒，即時話買《大江東去》！
講講下，我問老友A，最高層越戰越勇，似乎無有怕，遞補機制對他好似無咩影響。
老友A話，聽聞依家最高層覺得，家下剩下不足一年，減埋選舉期，不夠九個月，覺得係時候做一些，響佢老人家眼中覺得對香港社會有益有利的事情。所以，最高層一於去盡，未必事事都會聽北大人的講話。
我問：咁即係最高層向北大人say no? 係咪咁有種？
老友A話，唔知道。只不過，早一輪條街傳出，有一張下屆執政團隊的名單，有人四圍傳，問下社會賢達的意見。傳到呢，某一些人可能有機會更上一層樓。七一之前咪有件事搞到滿城風雨，又示威又反對？嗰件事的主催者，原來都係名單之中的一員！最高層都覺得奇怪，點解呢個人原本係MP3，點解突然咁勇猛，一味衝衝衝，按也按不住。
聽完老友A之言，我手上嗰本《大江東去》忽然跌落地，嗰本寫真集的封面露了出來。老友A笑曰：有些人依家好似年輕女模特兒咁樣，既想上位，又要掩埋自己的野心，真係非常奇怪。哈哈！
我話：最高層千祈唔好再搞搞震呀，我只係想平平靜靜地搵食，休養生息呀！可唔可以叫佢唔好做嘢？
倫敦大學亞非研究學院法律系博士
周二刊登
ADVERTISEMENT
立即更新 /下載AM730手機APP 體驗升級功能
