《真三國無雙8》硬推DLC有用嗎？

光榮宣布《真三國無雙8》首個DLC即將登場，唔講雞毛蒜皮嘅嘢，最大亮點係追加4個角色，分別係華雄、董白、夏侯姬同袁術，若然未玩過隻game嘅朋友，相信都唔會為咗呢4個本身毫無吸引力嘅武將燃起興趣，好明顯DLC針對嘅係現有玩家，但如果你有玩過就知，呢4個所謂新角色其實一早存在，只係玩家唔用得咁解，新鮮感肯定係零，最妙係你仲要再俾多成嚿水先用到呢幾隻角色。講真今集口碑可以話大爆死，首周亦只賣出11萬隻，PC版亦不足2萬，情況相比上集銷量跌咗一半有凸，相信隻game一出，光榮都應該知道出事，快快手搞個猛將傳改版先啱數，竟然仲夠膽推呢啲冇人賣帳嘅DLC，實在唔係好明白光榮搞緊乜。