早排同大家分享咗《Battleheart 2》呢隻相隔好耐推出嘅續作，唔知係咪潮流興，今個星期都有一隻屬於大作級數嘅手遊出咗續作，就係由Gameloft呢間大廠所出嘅賽車遊戲《Asphalt 9》，上集其實已經係2013年嘅事，曾經係iPhone用作遊戲示範嘅AA級遊戲。隔咗5年，《Asphalt 9》睇落畫面貼圖等方面，雖然唔算有好飛躍級進步，但就響速度感同動態特效度下咗唔少功夫，截圖絕對睇唔到遊戲嘅精美度，事實上，可以話係最靚嘅賽車game沒有之一，玩法方面就同以前一樣，都係追求遊戲性多於真實性，所以新加入咗個「TOUCHDRIVE」模式，連操作都係全自動，玩家淨係進行加速同特技飛車等動作，就可以輕易感受到遊戲好玩性，土下座就認為相當唔錯，絕對要試試。話時話，唔知下次會唔會見到《Infinity Blade》新作呢？
ADVERTISEMENT
立即更新 /下載AM730手機APP 體驗升級功能
