「安心偷食」發生之後，落選港男梁裕恆(Flow)成為不少人討論對象，事關他不時在網上發表「真相」，甚至隔空回應唐詩詠及網民，雖然網民不停鬧他是抽水怪，但仍然未有停止Flow對「安心偷食」的看法，昨晚更自拍片段跟各位分柝事件，直斥整件事是一個局，繼續力撐黃心穎。
他在片中列出3個疑點，首先他指「安心」2人關係已經發生了兩年，繼而指上了不同的士或許有不同結果，之後又逐一分柝的士的車CAM佈局，在片中的人物，甚至質疑片中的的士司機是與安仔等人相熟。
他又指許志安的記招是「將呢件事變做一段性愛關係，變咗一件桃色事件」，又認為整件事都是一個公關技巧︰「鄭秀文嘅聲明、馬國明出嚟見記者，馬國明嘅態度，好似覆述緊一個第三者嘅事，完全睇唔出有任何傷心嘅，大家形容佢係一個好男人，我形容，大家從來都冇愛過，如果愛過，就係冷血㗎喇。同樣，鄭秀文亦都係吖，當晚就話捉住大家隻手，然後就話祈禱，然後就傾咗好多偈，大家有冇試過嬲過你老公？會唔會只係一個公關嘅技巧，背後嘅原因係咩呢？會唔會係一啲商業嘅考慮呢？」
片段出街不久，有不少看過的網民留言鬧爆，有人認為他把事件愈描愈黑，甚至指他憑空捏造。曾與心穎有牙齒印的落選港姐工藤佑采，就笑對方愈幫愈忙︰「港男成日話要幫黃心穎…但係點解我覺得佢先可能係最唔鍾意黃小姐嘅人！成日將歪理講成道理。」Flow在晚上11點半曾刪走片段，及至深夜又再把片段重新公開，現時片段又再一次移除。