昨晚舉行的《勁歌金曲頒獎典禮》於，莫文蔚(Karen)的《呼吸有害》繼早前於新城、港台及商台的頒獎禮上，囊括多個大獎後，再下一城勇奪金曲金獎，成為2020年度奪得大滿貫成績的歌手。
Karen台上興奮表示拎金曲獎好興奮，多年未有推出廣東歌的她，在後台被問到會否因此多做廣東歌，她大派定心丸說：「我一直都好想做多啲廣東歌，並唔係因為今次呢首歌，有呢個咁好嘅成績先想再做，其實係因為每個階段遇到唔同嘅音樂伙伴，都會有影響我做嘅歌曲。好似最近我同Edward Chan及Terry Chan合作多咗，咁都會影響我嘅音樂方向。大家可以放心，2021年一定會有全新廣東作品推出。」 多個頒獎禮成績已塵埃落定，來到2021年，Karen表示最希望可以再踏上紅館的舞台，與樂迷再聚，她說：「今年最希望可以完成香港嘅演唱會，因為呢個係我《絕色》Tour嘅最後一站，亦都係我最後一次開大型演唱會，好希望可以喺香港呢個地方，為我嘅show畫上一個完美嘅句號。」Karen又指，她一直都有錄製新歌，預計今年上半年大家有機會聽到。