自爆發疫情以來，一眾網民對口罩的要求甚高，香港大部分可購的口罩，其摺痕大多向下，但日本的口罩的摺痕與香港或其他國家出售的有別，曾一度令不少人質疑坊間購得的日本口罩是冒牌貨，更要求出售日本口罩的店舖出示證明，引起熱議。
日本口罩的摺痕一度引來討論。(網上圖片)
「日本通」周奕瑋收到朋友的查詢，於是四出搜索資料及詢問朋友，終於找到答案。他說︰「香港見得最多嘅外科口罩，通常摺痕都向下。不過日本好幾款市面賣嘅口罩（尤其主要防花粉防塵／保濕／普通傷風感冒用）摺痕都唔係單一向下，而係上半部向上摺、下半部向下摺嘅設計。其實作用係增加口罩同面之間嘅空間。只要你上下拉開呢款口罩時，佢就會變得立體，有多啲空間。除咗有助呼吸之外，女士們亦都可以唔怕口罩太貼妝會整花。不過講到真正醫療用嘅外科口罩，其實日本同其他地方一樣，摺痕都係全部向下嘅。」
日本口罩成為不少人搶購對象。
對於日本的口罩大多是白色，難以分辦內外，他說︰「日本大多數口罩兩面都係白色，所以一拉開個口罩，睇到個口罩弧度，自然分辨到。亦有人可能會覺得睇條口罩繩連住邊一邊，連嗰邊咪裡面囉！其實都唔一定，因為日本有啲廠商會特登將條繩連喺外面，一來為咗連接位唔會整痛塊面，二來因為橡筋拉扯，就可以令到口罩更貼面，所以都係睇清楚啲好！」他坦言自己並沒有留意日本口罩的摺痕，而答案也是綜合了很多口罩介紹及從日本朋友口中得知，未必是正確。